Hidup di kampung orang sekian puluh tahun tak membuat acil Galuh merasa lupa dengan kampung halamannya Mahang Barabai. Setiap hari Raya Fitrah sidin bulik kampung seminggu sebelum lebaran atau minimal H-3 sudah betajak di kampung sidin, jer acil Galuh mun belambat-lambat kada sampat ke pasar ramadhan menukar pembukaan wadai dan masakan khas kampung maklum jer sidin membasuh liur setahun sekali dengan kuliner padatuan bahari.
Salawas acil Corona ne viral kedada yang pulkam, acil Galuh tadi liwar kecewanya kada kawa pulkam ke Mahang namun apalah daya untung tak dapat diraih malang tak dapat ditolak jer orang tuha bahari.
Napati kesah jer acil Darnah nyawa Galuh jadi kada bulik hari Raya Fitrah tadi? sidin betakun musabab acil Galuh kada bulik. Mencerincing acil Galuh membuka pandiran menjawab acil Darnah hen si acil ne kada tau lah pian cil Darnah gegara Corona dilarang mudik, tapi jer parsiden mun bulik kampung boleh cuma kada boleh lagi bebulik ke sana dan wajib isolasi mandiri atau isolasi di mes yang disediakan wan pemerintah. Klo kaya itu sama ja wan kada bulik kada boleh kunyuk-kunyuk, di rumah aja iya klo mana di rapid tes orang kutan cil ai.
Nah wahini New Normal namanya boleh dah tapi tetap menggunakan protokol kesehatan seperti:
- Jaga jarak
- Pakai masker SNI
- Cuci tangan dengan sabun dan air mengalir
- Makan makanan bergizi dan minum vitamin
- Olah raga
Jadi wani pulkam cil ai, alhamdulillah hari raya kurban boleh, rame jua di kampung banyak yang datang apalagi bebagi amplok iya kalo cil Darnah?
Bujur jer nyawa Galuhai turuti ja protokol kesehatan nang ngarannya virus ne kedada obatnya baik mencegah ketimbang garing imbah to mun sampai umur apa bisa mati.
Julak Tuhalui datanglah jua sidin? Nah kada bulik sidin cil Darnah ai kesian sidin tuha kada tapi sehat dan kada kawa uyuh bejalan jauh kada tahan lagi jer sidin ada kami singgahi jer kami julak umpatkah bulik motor puang ja lak ai, kada jer sidin unda tunggu kampung ja ayuja nyawa bulikan kasian uma bapak nyawa panjang gulu mehadang, julak ne termasuk nang usia lanjut dan ada riwayat penyakit bawaan manggah. Nah dintu kesahnya cil Darnah ai.
Uma rasa handak ke pulau kapok ja lagi klo sampai ke rumah di kampung ne pang rasa mengantuk aja, pohon nyiur di halaman naung banar dan pohon pisang di higa tawing lumbah daunya asoi jer karuh ha lagi menggarung bunyi sapida motor rusak kerasak-kerasak.
0 Response to "RUMAH PULANG KAMPUNG"
Post a Comment